Ғарбий Африка иқтисодий ҳамжамияти (ЭКОВАС) мамлакатлари Нигерга вазиятни ҳал қилишнинг дипломатик йўллари топилмагандан кейин қўшин киритади, деб хабар тарқатди Рейтер агентлиги ташкилотнинг сиёсий ишлар, тинчлик ва хавфсизлик бўйича комиссари Абдул-Фатау Мусахга таяниб.

“Вазият кескинлашадиган бўлса конституциявий тартибни тиклаш учун Нигерга ўзимизнинг чекланган қўшинларимиз, техникаларимиз ва ресурсларимиз билан жўнаймиз”, – деган Абдул-Фатау Мусах.

Унинг қўшимча қилишича, ҳар қандай йўл билан бўлса ҳам Нигерда конституциявий тартиб тикланади.

ЭКОВАС ҳали ҳам вазиятни дипломатик йўл билан ҳал қилса бўлади, деб ҳисобламоқда. Мусахнинг таъкидлашича, исёнчилар ўзларини гўё музокараларга тайёрдек кўрсатмоқда ҳамда ўзларининг ҳаракатларини оқлаш учун баҳона қидирмоқда.