Kecha tunda Toshkent viloyati Qibray tumani O‘ngqo‘rg‘on va Obod mahalla fuqarolar yig‘ini hududida ekoreyd tadbirlari bo‘lib o‘tdi. Tadbir davomida bir qator issiqxonalar faoliyati o‘rganildi.

O‘nqo‘rg‘on MFYda joylashgan fuqaro A.Shermuhammedovga tegishli issiqxonada isitish qozonxonasidagi filtr tizimi nosoz holda ishlayotgani aniqlandi. Shu sababli, Ma’muriy javobgarlik to‘g‘risidagi kodeksning 95-moddasiga asosan ma’muriy bayonnoma rasmiylashtirildi.

Shuningdek, Obod MFYdagi Safayev Xojimurodga qarashli issiqxonada ham filtr tizimi ishlamayotgani aniqlanib, ma’muriy chora ko‘rildi.

Obod mahallasidagi yana boshqa issiqxonalar – A.O‘rmonov va S.Axmadovga tegishli ob’ektlarda ham isitish qozonxonasidagi filtrlar nosoz holda ishlayotgani sababli, MJtKning 95-moddasiga muvofiq ma’muriy bayonnomalar rasmiylashtirildi.

Hamroz Bayanov, O‘zA