Өзбекстан Экология партиясынан Президенттікке кандидат Абдушукур Хамзаев Ташкент қаласының сайлаушыларымен кездесті.

Кездесуде Өзбекстан Республикасы Президенттігіне кандидат А.Хамзаев сөз сөйлеп, сайлаушыларды өзінің сайлауалды бағдарламасының негізгі бағыттарымен таныстырды.

Кандидаттың сайлауалды бағдарламасында экологиялық даму мақсаттарына қол жеткізу арқылы қоршаған ортаны қорғау, «жасыл» экономикаға көшу үдерісін жеделдету, табиғи ресурстарды пайдаланудың тиімділігін арттыру, халықтың қолайлы ортасы мен экологиялық қауіпсіздігін қамтамасыз ету бойынша бірқатар мақсатты міндеттер қарастырылған.

Мемлекеттік экологиялық саясаттың басым бағыттарын айқындауға бағытталған «Тұрақты экологиялық даму стратегиясы» әзірленетін болады.

Тағы бір маңызды мәселе, экология саласындағы шашыраңқы нормативтік-құқықтық құжаттарды кодификациялау арқылы табиғат ресурстарын тиімді пайдаланудың тәртібі мен талаптары бірыңғай салалық кодекстерде, оның ішінде Экологиялық кодексте, Су кодексінде, Орман кодексінде күшейтілетін болады.

Қалалардың бас жоспарларын жасау кезінде оларда жасыл аумақтар кемінде 30 пайызды құрауы тиіс, ал «жасыл аймақтар» жаңа тұрғын үйлер салу кезінде тұрғындар санына пропорционалды болуы керек деген талап заңмен айқындалады.

Жасыл аумақтарда, тау беткейлерінде, өзен-көл жағаларында кез келген құрылыстардың экологиялық сараптамадан және қоғамдық бақылаудан өткеннен кейін жүргізілуі қамтамасыз етіледі. Қауіпті қалдықтарды, медициналық-биологиялық және құрылыс қалдықтарын басқару мен өңдеуді реттейтін Қалдықтар туралы заңның жаңа редакциясы қабылданады.

Биологиялық әртүрлілік пен экожүйені сақтау және оларды ұтымды пайдалану, ерекше қорғалатын табиғи аумақтардың аумақтарын кеңейту, сондай-ақ Өзбекстан Республикасының «Қызыл кітабына» енгізілген өсімдіктер мен жануарлар дүниесі объектілерін қорғауды күшейту мақсатында тиісті құқықтық құжаттары жетілдіріледі.

Жиында сөз алғандар Өзбекстандағы өзекті экологиялық мәселелерге назар аударып, кандидаттың сайлауалды бағдарламасында бұл мәселелердің шешімін тапқанын атап өтті.