Ўзбекистон Экологик партияси Навоий вилоят Кенгаши ҳамда Навоий давлат университети ҳамкорлигида “Биз табиат ҳимоячиларимиз!” шиори остида эко заковат интеллектуал беллашуви бўлиб ўтди.

Унда 10 та жамоа ўзларининг экологик билимларини синовдан ўтказди.

Интеллектуал ўйин давомида талабаларга экология, чиқиндиларни қайта ишлаш, табиий ресурслардан оқилона фойдаланиш, яшил ҳаёт тарзи ва глобал экологик муаммоларга оид саволлар тақдим этилди.

Беллашув якунида Навоий давлат университети Мактабгача ва бошланғич таълим факультетининг “Инновациялар” жамоаси 1-ўринни қўлга киритди.  

Ғолиб ва совриндорлар, шунингдек, фаол иштирокчиларга партия томонидан ташаккурнома ҳамда эсдалик совғалари топширилди.

А.Бўриев, ЎзА мухбири