Европа Иттифоқи AstraZeneca компанияси COVID-19га қарши вакциналарни ўз вақтида етказиб беришни талаб қилмоқда, дея хабар берди Euronews.

Европа комиссияси хабарига кўра, ЕИга аъзо давлатлар март ойининг охиригача 90 миллион доза препарат билан таъминланиши керак эди.

Бельгия ҳукумати маълум қилишича, агар июлгача шартномада кўрсатилган 120 миллион доза AstraZeneca вакцинаси етказиб берилмаса, компания молиявий жазога тортилиши мумкин.

ЕИ вакили Aнглия-Швеция фармацевтика агентлигига қарши судда “Компания шартномавий мажбуриятларини бажармади”, деди.  

Маълумотларга кўра, AstraZeneca компанияси июнь охиригача ЕИга келишувда кўрсатилган 180 миллион дозадан 70 миллионини етказиб беришни режалаштирмоқда.