Ayni vaqtda A-373 avtomobil yo‘lining “Qamchiq” dovonida qor yog‘moqda. Bu haqda “Qamchiqavtoyo‘l” ixtisoslashtirilgan yo‘llardan foydalanish unitar korxonasi O‘zAga xabar berdi.

Dovonda yog‘ayotgan qor avtotransport vositalarining erkin harakatlanishi uchun noqulayliklar tug‘dirishi tabiiy. Buni bartaraf qilish uchun “Qamchiqavtoyo‘l” ixtisoslashtirilgan yo‘llardan foydalanish unitar korxonasi ishga kirishgan Yo‘llarni qordan tozalashga 120 dan ortiq texnika safarbar qilindi. Ayni vaqtda dovon yo‘llari peshma-pesh tozalanib, transport vositalarining uzluksiz va xavf-xatarsiz harakati ta’minlanayapti.

“Qamchiqavtoyo‘l” korxonasi dovondagi hozirgi noqulay ob-havo sharoitida dovondan o‘tayotgan haydovchilar belgilangan qoidalarga rioya qilishlarni so‘raydi.