Ташкентте Египеттің «SOLYPHAR» компаниясымен «Таблетка, қатты желатинді капсула және дозаланған ұнтақ түріндегі дәрілік заттар өндірісін ұйымдастыру» инвестициялық жобасын іске асыру туралы үшжақты келісімге қол қойылды.

Инвестиция жобасы 20 млн долларды құрайтын болып, жылдық қуаты 500 млн дана таблетка, 200 млн дана капсула жалпы 120 дан астам дәрі түрін шығаратын кәсіпорын құрылады. Соның негізінде 200 жаңа жұмыс орны ашылып, озық технологияларды енгізу арқылы жоғары сапалы өнім шығаруға жергілікті мамандарды оқыту жоспарлануда.