Өзбекстанның Каирдегі елшілігі мен елдің Вирусология институты жүргізген келіссөздер нәтижесінде Мысыр үкіметі Өзбекстан халқына С гепатитіне қарсы 30 мың дәрі-дәрмекті тегін көмек ретінде табыс етті.

«Dunyo» ақпараттық агенттігінің хабарлауынша, гуманитарлық көмек құрамында жалпы құны 300 мың АҚШ долларынан асатын 15 мың бірлік «Софосбувир» және 15 мың бірлік «Даклатасвир» препараты бар.

Бұл дәрі-дәрмектер бірінші кезекте Арал өңірінде, сондай-ақ Қашқадария, Наманган, Ташкент облыстарында және елдің басқа да аймақтарында тұратын С гепатитін жұқтырған науқастардың қажеттіліктері үшін жеткізіледі деп жоспарлануда.

Дәрілерді вирусологиялық ғылыми-зерттеу институтының жауапты қызметкерлері таратады.

Бұл акция Мемлекет басшысының халықтың денсаулығын сақтау және нығайту, Арал өңіріндегі жағдайы нашар отбасыларды қолдау, осы бағытта шет мемлекеттермен белсенді ынтымақтастық орнату мақсатындағы кешенді реформалар аясында жүзеге асырылуда.