Эфиопияның оңтүстігіндегі Гофа ауданында орын алған көшкінде кемінде 50 адам қаза тапты.

Reuters агенттігінің хабарлауынша, оқиға толассыз жауған жаңбырдан кейін таулы аймақта көптеген көшкіндер болған. Осы жағдайдан кейін апат орын алған аймақта төтенше жағдай жарияланды.

Құтқару топтары әзірге 50 адамның мәйітін тапқан. Ауа райының қолайсыздығына байланысты құтқару жұмыстарын жалғастыруда қиындықтар туындауда. 

Хабарламада айтылуынша, құрбандар арасында әйелдер, балалар мен жергілікті полицейлер бар. Толассыз жауған жаңбыр салдарынан көшкіннің қайталануы мүмкін екені айтылған.