Эфиопияда бир неча асрлардан буён “уйқуда ётган” “Ҳайли-Губби” вулқони фаоллашиб, атмосферага катта миқдорда кул улоқтирди, деб хабар бермоқда “BBC” нашри.

Таъкидланишича, ҳосил бўлган кул уюми Қизил денгиз орқали Ўмон ва Яман ҳудудларидан ўтиб, Ҳиндистон пойтахти Деҳли осмонигача етиб борган. Натижада ҳиндларнинг “Air India” компанияси 11 та рейсни бекор қилди. 

Шунингдек, “IndiGo”, “Akasa Air” ва “KLM” авиакомпаниялари ҳам парвозларида узилишлар кузатилганини билдирган.

Экологлар фикрича, бу каби вулқон куллари жуда кам учрайди ва унинг зарарлилик даражаси аниқ эмас. Шунга қарамай, Деҳлидаги ҳаво сифатига салбий таъсир кўрсатмаслиги маълум қилинган.

Д.Ҳакимов, ЎзА