Шанба куни кечқурун Эфиопия жанубида содир бўлган йўл-транспорт ҳодисаси оқибатида камида 15 киши ҳалок бўлди, 27 одам яраланди. Бу маълумотни маҳаллий ҳукумат тасдиқлаган.

"Fana" давлат телерадиокомпанияси расмийларга таяниб хабар беришича, воқеага Волайта минтақасида автобуснинг тўхтатиш тизими ишламай қолгани сабаб бўлган. Ҳайдовчи бошқарувни йўқотгач, машина дарёга ағдарилган.

Жабрланганлардан 21 нафари оғир, олти киши енгил тан жароҳати олган. Уларга яқин атрофдаги тиббиёт муассасаларида ёрдам кўрсатиляпти.