Конституциялық реформалар бойынша референдумға бақылаушы ретінде Өзбекстанға келген Еуропа, Таяу Шығыс, Азия және Американың жетекші талдау орталықтарының сарапшылары Ташкентте өткен «Өзбекстан – Германия: ынтымақтастықтың жаңа көкжиегі» атты халықаралық конференцияға да шақырылды.

Атап айтқанда, Президент Шавкат Мирзиёевтің Германияға сапары қарсаңында ұйымдастырылған ірі шараға қатысқан Германия экономикасы Шығыс комитетінің Орталық Азия бойынша аймақтық директоры Эдуард Кинсбрунер екі ел арасындағы ынтымақтастықтың бүгінгі жай-күйіне тоқталды.

– Германияда Шавкат Мирзиёевтің сапарына қызу дайындық жүріп жатыр. Екі ел арасындағы экономикалық ынтымақтастық кездесулердің басты тақырыбы. Сапар қарсаңында 300-ден астам өкілдің қатысуымен іскерлік кездесулер мен форумдар өтуде. 

Неміс бизнесінің өзбекстандық серіктестермен жаңа байланыс нүктелерін табуға осындай ауқымды қызығушылық танытуына 2017 жылы басталған ішкі саяси және экономикалық реформалар себеп болды десем қателеспеймін.

Сондай-ақ Берлиннің Өзбекстанмен тұрақты ынтымақтастықты жалғастыруға дайын екенін атап өтемін. Бүгінде сауда байланысы күрт өсті. Инвестициялық ынтымақтастық та оң динамика көрсетіп отыр, Өзбекстан нарығында неміс капиталының қатысуымен жаңа кәсіпорындар ашылуда.

Президент Шавкат Мирзиёев бастаған реформалар Германияның Өзбекстанмен ынтымақтастықтағы ұзақ мерзімді мүддесінің шешімі болып табылады.

Ынтымақтастықтың ең перспективалы бағыттары қатарында «жасыл» трансформация, кәсіптік білім, көлік-логистикалық қарым-қатынастар және Өзбекстан өнімдерін Еуропа нарығына экспорттау белгіленген.

Бехруз ХУДАЙБЕРДИЕВ, ӨзА