Футбол бўйича Европа чемпионлар лигаси плей-офф босқичи доирасида жавоб учрашувлари ўтказилди.

Жумладан, "Атлетико Мадрид" ўз майдонида "Брюгге" жамоасини қабул қилди ва 4:1 ҳисобида ғалаба қозонди. Шу тариқа, Диего Симеоне шогирдлари икки ўйин натижасига кўра, 7:4 ҳисобидаги ғалаба билан нимчорак финалга йўл олди.

"Интер" Милан шаҳрида ўтган ўйинда "Будё-Глимт" билан куч синашиб, 1:2 ҳисобида мағлуб бўлди. Натижада "Будё-Глимт" умумий 5:2 ҳисобидаги муваффақиятга эришган ҳолда кейинги босқичга чиқди.   

Англиянинг "Ньюкасл" клуби ўтган ҳафта сафарда "Қорабоғ"ни 6:1 ҳисобида таслим қилган бўлса, бугун тунда 3:2 ҳисобида зафар қучди ва ЕЧЛ 1/8 финал йўлланмасини қўлга киритди. “Байер" Чемпионлар лигаси плей-офф жавоб учрашувида "Олимпиакос" билан 0:0 ҳисобида дуранг ўйнади. Илк баҳсда германияликлар 2:0 ҳисобида ғалаба қозонгани сабабли, икки ўйин натижасига кўра устунликни сақлаб қолди.  

Бугун "Аталанта" – "Боруссия Дортмунд", "Ювентус" – "Галатасарой", "ПСЖ" – "Монако" ва "Реал Мадрид" – "Бенфика" жамоалари ўртасида плей-офф босқичининг жавоб учрашувлари бўлиб ўтади.

Жавоҳир Тошхўжаев, ЎзА