Вилоят бўйича 13 минг 544 нафар кам даромадли, «Темир дафтар»га киритилган, пандемия сабабли даромадидан айрилган, эҳтиёжманд оиланинг 50 минг нафар аъзосига 200 минг сўмдан, жами 10 миллиард сўм моддий ёрдам пули ажратилди. Ушбу бир марталик ёрдам пули ҳамда бирламчи озиқ-овқат маҳсулотлари ва дори-дармон ҳудуддаги сектор раҳбарлари бошчилигида ўз эгаларига етказилди.

– Давлатимиз томонидан бизга кўрсатилган ғамхўрликдан миннатдормиз, – дейди Қоракўл туманида яшовчи I гуруҳ ногирони Н.Болтаев. – Бугунги синовли кунлар ортда қолиб, Ҳайит айёмини ва бошқа байрамларни аввалгидек катта тантана билан, тинчлик омонликда нишонлаш насиб этсин.