Словения пойтахти Любляна шаҳрида дзюдо бўйича Европа кубоги ўз якунига етди. Қувонарлиси, мусобақада Ўзбекистон терма жамоаси аъзолари 5 та медалга сазовор бўлди.

Аниқроқ айтадиган бўлсак, Алексей Будолин бош мураббийлигидаги Ўзбекистон эркаклар терма жамоаси 2 та олтин ва 3 та бронза медалига эга чиқди. Жумладан, Самариддин Қўчқоров (-60 кг) ва Дилшод Ҳамроев (-66 кг) олтин медални кўлга киритган бўлса, Элбек Тожиев, Алишер Саманов ва Муҳаммадали Тангриев ўз вазн тоифаларида бронза медаль билан тақдирланди.

Шу тариқа, 44 давлатдан келган 500 нафарга яқин дзюдочи медаллар ва жаҳон рейтинг очкоси учун баҳс олиб борган ушбу мусобақада Ўзбекистон терма жамоаси медаллар жамғариш бўйича иккинчи ўриндан жой олди.

Жавоҳир Тошхўжаев, ЎзА