Жорий йил давомида дзюдо бўйича Ўзбекистон терма жамоаси аъзоларини жаҳоннинг турли давлатларида ўтадиган бир-биридан қизиқарли ва масъулиятли чемпионатлар, Гран-при турнирлари, хусусан ёзги Осиё ўйинлари кутиб турибди.

Мазкур мусобақаларда муносиб натижаларга эришишда халқаро спорт майдонларида ташкил этиладиган ўқув-машғулот йиғинларининг аҳамияти беқиёс.

Хўш, юртимиз дзюдочилари жорий йилги илк халқаро ўқув-машғулот йиғинини қайси давлатда ўтказади?

Ўзбекистон дзюдо федерацияси хабарига кўра, куни кеча пойтахтимизда ўтказилган бир ҳафталик машғулотларни якунлаган эркаклар терма жамоаси бугун, 9 январь куни илк халқаро ўқув-машғулот йиғинини ўтказиш учун дзюдо ватани Японияга жўнаб кетади.

Мазкур сафар олдидан дзюдочиларимиз Ўзбекистон Миллий олимпия қўмитаси қошидаги Республика спорт тиббиёти илмий-амалий марказида тиббий текширувдан ўтказилди.

Т.Рўзиев,

ЎзА