Россия Федерациясининг Санкт-Петербург шаҳрида дзюдо бўйича клублар ўртасида ўтказиладиган "Аёллар дзюдо лигаси" мусобақасида "Saber" жамоаси Ватанимиз шарафини ҳимоя қилади.

Мусобақа давомида 12 та жамоа 4 та гуруҳга бўлинган ҳолда финал йўлланмаси учун ажратилган 4 та ўрин учун курашларда иштирок этади.

Кеча "Аёллар дзюдо лигаси" мусобақаларига қуръа ташлаш маросими бўлиб ўтди. Қуръа натижаларига кўра, "Saber" жамоаси мусобақанинг "B" гуруҳида Санкт-Петербургнинг "Турбостроитель" ҳамда Самара шаҳрининг "Спорткоманда 63" жамоалари билан бирга рақобатлашадиган бўлди.

Эслатиб ўтамиз, Санкт-Петербург татамиларидаги беллашувлар сарҳисобига кўра, кучли тўртликни банд этган жамоалар жорий йилнинг 2 ноябрида Россия Федерацияси пойтахти Москвада ташкил этиладиган финал баҳсларида қатнашиш ҳуқуқига эга чиқади.

Т.Рўзиев,

ЎзА