Куни кеча мамлакат дзюдо федерацияси раиси Азизжон Комилов эркаклар терма жамоаси мураббийлар штабининг янги аъзоси, россиялик мутахассис Камил Магомедов билан шартнома имзолади.

Спортчилик фаолияти давомида 44 ёшли Камил Магомедов -81 ва -90 килограмм вазн тоифаларида 2012 йили жамоавий жаҳон чемпионатида олтин медални қўлга киритган бўлса, уч карра Европа чемпионати совриндорлигига эришган. Европа кубоги ва полиция ходимлари ўртасидаги жаҳон чемпионати ғолиби.

Эслатиб ўтамиз, айни пайтда Ўзбекистон миллий терма жамоаси бош мураббийлигида эстониялик Алексей Будолин иш олиб бормоқда.

Т. Рўзиев, ЎзА