Чехия пойтахти Прагада дзюдо бўйича якунига етган Европа очиқ чемпионатида энг оғир вазн тоифасида иштирок этган ҳамюртимиз Ўткирбек Тўрабоев олтин медални қўлга киритди.

Тўрабоев саралаш босқичида Мўғулистон, Италия, Руминия вакилларини, ярим финал ва финалда германиялик икки таниқли дзюдочини мағлуб этди. Аҳамиятлиси, истеъдодли ёш полвонимиз халқаро майдондаги йирик чемпионатда илк бор иштирок этишига қарамасдан тажрибали дзюдочилардан устун келган ҳолатда 1-ўринни қўлга киритди.

Шунингдек, Европа очиқ чемпионатининг дастлабки кунги баҳсларида яна бир спортчимиз Раҳимжон Субҳонов 66 кг вазн тоифасида бронза медалига сазовор бўлганди.

Шу тариқа, жамоамиз нуфузли мусобақани 1 тадан олтин ва бронза медаллари билан якунлади.

ЎзА