Dzyudo musobaqalari sentyabr oyidan boshlanishi mumkin
Xalqaro dzyudo federatsiyasi (IJF) musobaqalarni sentyabr oyidan boshlashni rejalashtirmoqda.
Xalqaro dzyudo federatsiyasi (IJF) musobaqalarni sentyabr oyidan boshlashni rejalashtirmoqda. Tashkilotga aʼzo mamlakatlardagi federatsiyalarga bu haqda rasmiy xat ham joʻnatildi.
Xatning mazmuniga koʻra, koronavirus pandemiyasi bartaraf etilishiga umid bogʻlanib, Xalqaro dzyudo federatsiyasi tashkiliy qoʻmitalar bilan musobaqalarning yangi taqvimi ustida ish olib bormoqda. Musobaqalarni Olimpiya oʻyinlari saralash dasturida qatnashadigan sportchilar uchun qulay va adolatli tarzda tashkil qilishga eʼtibor qaratiladi.
Taʼkidlash kerakki, musobaqalarning sentyabr oyidan boshlanishi qatʼiy qaror emas. Agar koronavirus bilan bogʻliq dunyodagi vaziyat bu muddatga qadar ijobiy tomonga oʻzgarmasa, musobaqalar boshlanish vaqti oʻzgarishi tabiiy.