Португалиянинг Алмада шаҳрида дзюдо бўйича мукофот жамғармаси 100 минг АҚШ долларини ташкил этувчи йилнинг илк Гран-при мусобақасининг биринчи кунги баҳслари якунланди.

Хабар берганимиздек, йилнинг дастлабки мусобақасида 41 та давлатнинг 300 нафардан зиёд дзюдочилари медаллар ҳамда рейтинг очколари учун татамига чиқишмоқда. Унда юртимизнинг 11 нафар дзюдочиси ҳам ушбу халқаро турнирда иштирок этмоқда.

Халқаро турнирнинг биринчи кунги беллашувлари юртдошларимиз учун омадсиз кечди. Илк баҳслардаёқ Баҳром Батуров озарбайжонлик Балабай Агаевга, Мирзоҳид Маҳаммаджонов кореялик Ҳарим Лига, Муҳриддин Тиловов япониялик Ямато Фукудага, Ҳалимажон Қурбонова португалиялик Катарина Костага, Гулнур Муратбаева эса кореялик Ли Хай Кеёнгга имкониятни бой беришди.

Бугун ва эртага қолган 6 нафар вакилимиз беллашувларни давом эттиришади.

Т. Рўзиев, ЎзА