Футболдан Еуропа чемпионы, Италия құрамасының қорғаушысы Джорджо Кьеллини футболдағы мансабын аяқтайтынын ресми түрде жариялады.

Бұл туралы 39 жасты қорғаушы өзінің X әлеуметтік желісінде мәлімдеп: «Сіз менің өмірімдегі ең әдемі саяхат болдыңыз және менің барлық нәрсеме айналдыңыз. Сізбен бірге мен ерекше және ұмытылмас жолды басып өттім. Бірақ енді жаңа тарауларды бастау, жаңа қиындықтармен бетпе-бет келу және өмірдің жаңа маңызды және қызықты беттерін жазу уақыты келді», - деп жазды Кьеллини.

La Gazzetta dello Sport басылымы, мансабын аяқтағаннан кейін Кьеллини Лос-Анджелесте отбасымен біраз уақыт өткізуді жоспарлап отырғанын хабарлады. Goal басылымының хабарлауынша, футболшы 2024 жылдың жазында итальяндық «Ювентуста» жаттықтырушы қызметін бастамақ.