Deutsche Welle манбаларига кўра, ҳалок бўлган Эрон олий раҳбари Али Ҳумонаийнинг ўғли Мўжтаба Ҳумонаий мамлакатнинг янги олий раҳбари этиб сайланган. Айни пайтда бу маълумотлар Эрон расмийлари ва давлат оммавий ахборот воситалари томонидан тасдиқлангани йўқ.

DW манбалари маълум қилишича, Мўжтаба Ҳумонаий номзоди Эрондаги 88 нафар юқори мартаба руҳонийлардан иборат махсус кенгаш томонидан маъқулланган. Мазкур орган мамлакат олий раҳбарини тайинлаш ваколатига эга.

Манбаларга кўра, қарор Ислом инқилоби ҳимоячилари корпуси босими остида қабул қилинган. Бу корпус Эрондаги энг қудратли ҳарбий-сиёсий тузилмалардан бири ҳисобланади.

Али Ҳумонаий ҳалок бўлганидан сўнг, мамлакатни вақтинча уч кишидан иборат кенгаш бошқармоқда. Эрон қонунчилигига кўра, мамлакат олий раҳбари умрбод лавозимни эгаллайди. Уни 88 нафар аъзодан иборат “Экспертлар кенгаши” сайлайди. Ушбу кенгаш ҳар саккиз йилда бир маротаба халқ томонидан сайланади. Сўнгги сайловлар 2024 йилда бўлиб ўтган эди.

Мўжтаба Ҳумонаийнинг Эрон олий раҳбари этиб сайлангани ҳақидаги маълумотлар мустақил манбалар орқали тарқалган.        

<iframe width="650" height="420" src="https://www.youtube.com/embed/UxzipmBLb_4" title="DW: Eronda yangi oliy rahbar saylandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>      

Кенжа Бекжонов, Анвархўжа Аҳмедов, ЎзА