Ijtimoiy tarmoqda tarqalgan norasmiy xabarlar ortidan Tojikiston Prezidenti Emomali Rahmon omma oldida ko‘rinish berdi va davlat rahbari faoliyatini davom ettirayotganini tasdiqladi.

16-fevral kuni Emomali Rahmon Dushanbeda Qozog‘iston Tashqi ishlar vaziri Yermek Qosherbayev bilan muzokara o‘tkazgan. Uchrashuv davomida tomonlar savdo-iqtisodiy aloqalarni rivojlantirish, investitsiyaviy hamkorlikni kengaytirish hamda mintaqaviy xavfsizlik masalalariga e’tibor qaratgan.

Prezident matbuot xizmati ma’lum qilishicha, muloqot Tojikiston va Qozog‘iston munosabatlaridagi ijobiy o‘sish sur’atini yana bir bor namoyon etgan.

F.Yaxshiboyeva, O‘zA