Душанбе шаҳрида Шанхай ҳамкорлик тошкилотига аъзо ва кузатувчи мамлакатлар етакчиларининг саммити арафасида қатор учрашувлар бўлиб ўтмоқда.

Саммит якунида ШҲТга аъзо давлатлар етакчилари Эрон Ислом Республикасини ШҲТга тўлақонли аъзо қилиб олиш бўйича жараённи бошлаш тўғрисида қарор қабул қилиши кутилмоқда.

Эрон Ислом Республикаси Президенти Иброҳим Раисий кузатувчи мамлакат раҳбари сифатида эртага ШҲТ Давлат раҳбарлари кенгашининг мажлисида иштирок этади.

Шуни ҳам таъкидлаш жоизки, бу Иброҳим Раисийнинг Эрон Президенти этиб сайлангандан кейинги илк хорижий сафаридир.