Тожикистон пойтахти Душанбе шаҳри 2021 йилда МДҲ мамлакатлари маданий пойтахти, деб эълон қилинди.

Шаҳар ҳокими Рустам Эмомали шу хусусдаги махсус сертификатни қабул қилиб олди. “Ховар” давлат ахборот агентлиги “Ҳамдўстликнинг маданий пойтахти” давлатлараро дастури тадбирлари ҳақида маълумот берган. Мазкур дастур доирасида шаҳарда 30 дан ортиқ тадбир ўтказилади.

Эслатиб ўтамиз, 2020 йилда Қозоғистоннинг Чимкент шаҳри МДҲ давлатлари маданий пойтахти бўлган.