Жаҳон матбуотида ўз ўрнига эга йирик газеталар кўп. Улар орасида салкам бир асрдан буён нашр этилаётган Туркиянинг Cumhuriyet (Жумҳурият) газетаси нафақат ўз юртида, балки жаҳоннинг кўплаб мамлакатларида доимий ўқувчиларига эга.

Мустақилликдан сўнг Туркия Республикаси асосчиси Мустафо Камол Отатурк журналист дўсти Юнус Надига республикачиларнинг душманларига ва халифалик тарафдорларига қарши Истанбулда кураш олиб борувчи газета чиқаришни ва унинг номи Cumhuriyet, яъни Республика бўлишини таклиф этади.

“Шу аснода Отатурк Юнус Надига тарихга кирадиган ушбу йирик газетани ташкил этиш вазифасини топширган”, дея ёзади таҳририят сайти cumhuriyet.com.tr.

Ушбу кўрсатмадан сўнг Юнус Нади республика асосчилари қадриятларига қатъий содиқ бўлган Зекерия Сертел ва Камол Солиҳ Сел билан газетани ташкил этишни бошлайди. Шундай қилиб, 97 йил олдин, 1924 йил 7 майда газетанинг илк сони чиқади. Биринчи сонда Мустафо Камол Отатурк билан ўз интервьюсини чоп этган Юнус Нади аксилинқилоб ҳимоячиларига “республика инқилобига содиқлик” тамойилини намойиш этади.

Газета илк кунданоқ Туркия Республикасини ҳимоя қилиш учун курашди ва у халқ томонидан катта қизиқиш билан кутиб олинди.

“Ҳар йили газетамиз боғида нишонланадиган Cumhuriyetнинг янги даври тантанаси пандемия сабабли бу йил ўтказилмайди”, дея қўшимча қилади таҳририят.

Манба: cumhuriyet.com.tr