Бугунги кунда дунё бўйича энг юқори IQ эгаси сифатида Калифорния университетининг Лос-Анжелесдаги кампусида фаолият юритаётган 50 ёшли профессор Теренс Тао тан олинган. Бу ҳақда Science Focus нашри хабар берди.

Тао IQ кўрсаткичи 230 деб баҳоланган бўлиб, бу ҳозиргача қайд этилган энг юқори натижалардан биридир (одатда IQ 200–250 оралиғида ҳисобланади). У ёшлигидан даҳо сифатида танилган — тўққиз ёшида университет даражасидаги математикани ўрганган, 16 ёшида эса Принстон университетида аспирантурага ўқишга кирган.   

20 ёшида докторлик илмий даражасини олган Теренс Тао 24 ёшида профессорлик даражасига эришган. У 18 та илмий китоб ва 300 дан ортиқ мақолалар муаллифи бўлиб, математика соҳасидаги энг нуфузли мукофот — Филдс медали соҳибидир. Тао 10 ёшида Халқаро математика олимпиадасида иштирок этиб, бронза медалини қўлга киритган энг ёш иштирокчи ҳисобланади.   

Математика тарихидаги энг муҳим ишларидан бири — Бен Грин билан биргаликда туб сонлар арифметик прогрессияси мавжудлигини исботлаган теоремасидир. Бу ютуқ сонлар назариясида инқилобий аҳамият касб этган.   

Қизиқарли жиҳати шундаки, 2025 йилда Тао ChatGPT ёрдамида Python кодини ёзиб, математик муаммоларни ҳал қилишда вақтни тежаганини эътироф этган.  

<iframe width="640" height="420" src="https://www.youtube.com/embed/pvumK7RXTso" title="Dunyoning eng yuqori IQ egasi — Terens Tao" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев (видео), ЎзА