Бу ҳақда Қозоғистон бош вазири ўринбосари Ерали Туғжанов маълум қилди, деб ёзмоқда «Казинформ» агентлиги.

«Жорий йилда қозоғистонлик олимларнинг катта ютуғи шубҳасиз, коронавирусга қарши «QazVac» вакцинасини ишлаб чиққани бўлди. Биз олға қараб юрамиз. Ҳозирда BSL-3, BSL-4» қурилиши давом эттирилмоқда, - деди Фан ва таълим вазирлигида бўлиб ўтган кенгайтирилган мажлисда сўзга чиққан Ерали Туғжанов.

Унинг таъкидлашича, Қозоғистон ўз вакцинасини яратгани мамлакатни дунёга танитди.

«Қозоғистон ўз вакцинасини яратаётган олтита мамлакатнинг бешинчиси бўлди. Шу боис, бу катта муваффақият. Барча олимларимизга миннатдорчилик билдирамиз. Келгусида ҳам биргаликда  кўп ишларни амалга оширишга тўғри келади. Ҳозирда дунёнинг 43 давлати бизнинг вакцинамизни олишга тайёр», - деб баёнот берди Ерали Туғжанов.