9 декабрь — Халқаро коррупцияга қарши кураш куни

Бугунги кунда трансмиллий ҳодисага айланган коррупцияга қарши курашиш дунё ҳамжамиятини ташвишга солаётган муҳим масалалардан бири ҳисобланади.

Таҳлилчилар фикрича, дунёда коррупциядан бутунлай холи давлатнинг ўзи йўқ. Коррупция нафақат иқтисодий ўсишни секинлаштиради, балки давлат тузумининг маънавий пойдеворини ҳам емиради.  

Халқаро коррупцияга қарши кураш куни аслида, нафақат инсониятга шунчаки эслатма, балки жамиятнинг ўзини ўзи кўриш ойнасидир. Бу кун бизни шахс виждони ва ҳалоллик қадрияти қанчалик муҳим эканлигини ўйлашга ундайди.

Бугун коррупция глобал таҳдид сифатида трансчегаравий тус олган бир даврда, халқаро ҳамкорликнинг аҳамияти янада ортмоқда. Хусусан, БМТнинг Гиёҳванд моддалар ва жиноятчилик бўйича бошқармаси (UNODC) коррупцияга қарши курашда энг йирик халқаро институтлардан биридир.  

Афғонистон, Марказий Осиё, Эрон ва Покистондаги UNODC минтақавий ваколатҳонаси директори Оливер Столпе бу борада нафақат эксперт, балки минтақа муаммолари ва имкониятларини чуқур англаган етакчи мутахассислардан бири.

У билан бўлган ушбу суҳбатимиз коррупциянинг жамият онгига таъсири, давлат тизимларининг заиф ёки кучли томонлари, шунингдек, Марказий Осиё ва Афғонистон минтақасида коррупцияга қарши курашнинг реал стратегиялари ҳақида чуқур мулоҳаза юритишга имкон беради.

Ушбу суҳбатни ЎзАнинг “YouTube” каналида кўришингиз мумкин.

<iframe width="640" height="420" src="https://www.youtube.com/embed/XZzxHrpehlU" title="Dunyoni korrupsiyadan halol qo‘llar qutqaradi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё,

Дониёр Ёқубов (видео), ЎзА