Бразилиялик олимлар мамлакатнинг тоғли булутли ўрмонларида ниҳоятда кичик, зарғалдоқ рангли янги қурбақа турини аниқлади. Бу жонзот қалам учига сиғадиган даражада майда бўлиб, Бразилия жанубидаги Атлантика ўрмонининг Серра до Кюирири тоғ тизмасидан топилган. Янги тур Brachycephalus lulai деб номланди.

Мазкур қурбақа Ер юзидаги энг кичик тўрт оёқли ҳайвонлар сирасига киради. Унинг эркаклари 9–11 миллиметр, урғочилари эса 11–14 миллиметр узунликка эга. Танаси ёрқин оловранг бўлиб, ўзига хос доғларга эга ва жуфтлашиш даврида икки қисқа товуш чиқаради.  

Олимлар компьютер томографияси ва ДНК таҳлиллари орқали янги турни тасдиқлади. Тадқиқотчиларга кўра, бу қурбақа чекланган ҳудудда яшайди ва йўқолиб кетиш хавфи остида. Шу сабабли улар ушбу ҳудудда янги қўриқхона ташкил этишни таклиф қилмоқда. 

<iframe width="560" height="315" src="https://www.youtube.com/embed/CJVAw0XIEF8?si=aRGSRLPBLWe6m46u" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Анвархўжа Аҳмедов, ЎзА