Германиянинг Дюссельдорф шаҳридаги РЕWЕ супермаркетида дунёдаги илк тўлиқ автоном ошхона — CА-1 Series 4 ишга туширилди. Уни Мюнхенда жойлашган Circus SE компанияси ишлаб чиқди.

Шиша корпусли бу ақлли ошхона инсон аралашувисиз мустақил ишлайди. Тизим иккита робот манипулятори, индукцион плита ва идиш ювиш машинаси билан жиҳозланган. У масаллиқларни омбордан олиб, пишириш, ликопчаларга жойлаштириш ва идишларни ювишгача бўлган жараённи тўлиқ бажаради. Қурилма соатига 120 та таом тайёрлай олади, ҳар бир овқатнинг нархи 6 евродан бошланади.  

CА-1 нинг янги версияси аввалгисидан 450 кг енгилроқ бўлиб, датчиклар масаллиқлар ҳолатини реал вақт режимида кузатади. Буюртмалар сенсорли экран ёки овозли бошқарув орқали берилади. Сунъий интеллект ҳар бир буюртмани таҳлил қилиб, масаллиқлар миқдорини аниқ ҳисоблайди — бу эса озиқ-овқат чиқиндиларини камайтиради.  

Лойиҳа муваффақиятли ўтгач, REWE компанияси шундай робот ошхоналарни Германиянинг бошқа ҳудудларида ҳам ўрнатишни режалаштирмоқда. Шу билан бирга,  Circus SE технологияни шифохоналар, университетлар ва ҳатто ҳарбий дала ошхоналарида синовдан ўтказишни ҳам мақсад қилган.  

<iframe width="560" height="315" src="https://www.youtube.com/embed/iuRN30BtEe4?si=l2PYhIOyl89DkHn6" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев, ЎзА