12 март куни Туркманистонда бўлиб ўтган президент сайловида ғалаба қозонган Сердар Бердимуҳамедов бугун ўз лавозимига киришди.

 Ашхабод шаҳрида инаугурация маросими тантанали равишда бўлиб ўтди, деб хабар тарқатди Туркманистон давлат хабарлари агентлиги.

Тожикистон COVID-19 билан боғлиқ чекловларни бекор қилди, деб маълум қилди мамлакат ташқи ишлар вазирлиги ахборот департаменти.

Хабарда таъкидланишича, Тожикистон билан Ўзбекистон чагараларидаги ўтказиш пунктлари ҳар доимги режимда фаолият кўрсатмоқда. 

МДҲ мамлакатлари тиббиёт муассасалари томонидан берилган COVID-19га қарши вакцина олганлик ҳақидаги ҳужжат тўлиқ тан олинади.

Буюк Британия ташқи ишлар вазири Лиз Трасс Times газетасига интервью бериб, россиялик бизнесменларга нисбатин қўлланилган санкциялар бекор қилинмайди деди.

"Бу жуда қийин. Бу олигархлар Путиннинг ҳозирги қилаётган ишларига йўл қўйиб берди", — деб баёнот берди Трасс. Шунингдек, унинг фикрича, россиялик бизнесмен, Лондоннинг "Челси" футбол клуби хўжайини Роман Абрамович энди Буюк Британияга қайта олмайди.

АҚШ ўзини ядро таҳдидан ҳимоя қила олади, деб баёнот берди АҚШ мудофаа вазири Ллойд Остин CNN телеканалига интервью берар экан.

"Ҳеч ким ядро қуролидан қандай фойдаланишни кўришни истамаса керак. Ўйлашимча, ядро қуроли ҳақида ҳар қандай шаъма ёки позициясини у орқали билдириш иш бермайди", — деди Остин.

Унинг таъкидлашича, "АҚШ ўз имкониятларига ишонади ва ўзини ҳимоя қила олади”. 

Владимир Зеленский РФ  билан олиб борилаётган музокараларга изоҳ берар экан, учрашадиган ва Украинанинг ҳудудий яхлитлигини тиклайдиган вақт келди, деб баёнот берди.

"Учрашадиган вақт келди. Ҳудудий яхлитлигимизни ва Украина учун адолатни тиклайдиган вақт келди", — деди Зеленский  видеомурожаатида.

Жанубий Кореянинг маиший электротехникалари ишлаб чиқарувчи LG Electronics компанияси Россияга маҳсулот етказиб беришни бутунлай тўхтатгани ҳақида маълум қилди.

"LG Electronics Россияга маҳсулот экспортини бутунлай тўхтатди", - дейилади компания сайтида эълон қилинган хабарномада. 

Хитой ҳукумати 2021 йил январдан буён мамлакатда коронавирусдан икки киши вафот этганини маълум қилди.

Афғонистонда замбарак снарядининг кутилмаганда портлаб кетиши оқибатида тўрт нафар бола ҳаётдан кўз юмди.

TOLOnews телеканалининг маҳаллий полицияга таяниб хабар тарқатишича, фожеа Афғонистоннинг жанубида Қандаҳор провинциясида содир бўлган.

Хабарда келтирилишича, Шах-Вали-Кот уездеда болалар портламай қолган ўқ-дори билан ўйнаган.

Nikkei: Япония АЭСларини Patriot зенит ракета комплекслари билан ҳимояламоқчи

Япония ҳукумати мамлакатдаги АЭСлар хавфсизлигини мустаҳкамлашнинг янги режаси доирасида АЭС жойлашган ҳудудларга мудофаа кучларига қарашли Patriot PAC-3 зенит-ракета комплексларини жойлаштиришни мўлжалламоқда, деб ёзди шанба куни Nikkei газета.

Хабарда келтирилишича, бунга Украинадаги атом объектлари атрофидаги вазият Япония ҳукуматида катта хавотир уйғотаётгани  сабаб бўлган.

С.Раҳимов, 

ЎзА