Қарши шаҳрида Халқаро теннис федерацияси мусобақалар тақвимидан жой олган J30 таснифига кирувчи мусобақада ғолиб ва совриндорлар номи аниқ бўлди.

Ўсмирлар тоифасида ўтказилган турнирнинг яккалик баҳсларида нейтрал теннисчи Максим Прокошин ғолиб чиққан бўлса, жуфтлик беллашувларида ҳамюртларимиз Абдураҳмон Ҳожибоев ва Абдулҳодий Ҳосилов бош совринни қўлга киритди.  

Қизлар баҳсида қозоғистонлик Аия Мурзакулова барча рақибларидан устун келиб, яккалик баҳслари ғолибига айланди. Жуфтликлар орасида нейтрал теннисчилар Диана Каибара ва Вероника Лебедева тандеми биринчи бўлди.  

Жавоҳир Тошхўжаев,

ЎзА