Пойтахтимиз қиличбозликнинг сабля йўналиши бўйича кадетлар ва ёшлар ўртасидаги жаҳон кубоги мусобақасига мезбонлик қилмоқда.

16 ноябрь кунига қадар давом этадиган нуфузли турнирда Ўзбекистон, Хитой, Бразилия, Туркия, Польша, Аргентина, Нигерия, Исроил, Ҳонг Конг, Венгрия, Ҳиндистон, Қозоғистон, Корея, Сербия, Чехия Республикаси, Германия каби давлатлардан келган 280 нафардан ортиқ қиличбозлар иштирок этмоқда.  

Куни кеча мусобақанинг ўғил болалар баҳсида қозоғистонлик Каим Айбар, қизлар ўртасидаги баҳсда эса венгриялик Бригитта Рац яккалик йўналишида барча рақибларини енгди ва мусобақа ғолибига айланди. Афсуски, миллий терма жамоамиз вакиллари чорак финал босқичидан ўта олмади.

Бугун, 14 ноябрь санасида ёш қизлар ўртасида яккалик баҳслари ўтказилди. Қувонарлиси, беллашувларда ҳамюртимиз Аякўз Жумамуратова кумуш медалга сазовор бўлди. Энди 15-16 ноябрда ёшлар ўртасида яккалик ва жамоавий йўналишда кучлилар сараланади.  

<iframe width="650" height="420" src="https://www.youtube.com/embed/vzMURBlDlm8" title="Dunyo qilichbozlari Toshkentda raqobatlashmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жавоҳир Тошхўжаев, Ойбек Давронов (видео), Анвархўжа Аҳмедов (монтаж), ЎзА