Дубай халықаралық әуежайына іргелес аумақта өзбек ұлттық қолөнер бұйымдарының дүкені мен көрме залы ашылды.

«Dunyo» ақпараттық агенттігінің хабарлауынша, бұл жобаны Өзбекстанның БАӘ-дегі Елшілігі, Дубайдағы Бас консулдығы, Инвестициялар және сыртқы сауда министрлігінің өкілдігімен бірлесіп, «Хунарманд» бірлестігі жанындағы «Craft and Art» жауапкершілігі шектеулі серіктестігі жүзеге асырды.

Дубайда өзбек ұлттық қолөнер бұйымдары дүкенінің ашылуы Өзбекстан Президентінің «Қолөнерді қолдау жүйесін одан әрі жетілдіру шаралары туралы» шешімді жүзеге асыру шеңберінде осы жылдың 22 қыркүйегі мен 5 қазаны аралығында Дохада ұйымдастырылған Өзбекстанның Мәдениет күндерінде қол жеткізілген болатын.

Дүкен үшін Өзбекстаннан қолөнер бұйымдарынан кесте жасау, құмыра жасау, мыс өнері, ағаш ою, кілем тоқу, ұлттық маталар, миниатюра сынды 20-дан астам бағыттағы бұйымдардың үлгілері әкелінген.

Атаулы дүкеннің ашылу шарасы аясында Өзбекстанда өндірілген қолөнер бұйымдарының көрмесі ұйымдастырылды.