Дубайда «Ithra Dubai» девелоперлік компаниясы «Алтын аудан» жобасын ресми түрде іске қосты. Аталған аумақ алтын әшекейлер мен қымбат бағалы зергерлік бұйымдар саудасына арналған арнайы орталыққа айналады.

– Біз саланың тарихында жаңа бет ашып отырмыз, – деді жоба жетекшісі Исам Галадорий. – Бұл бастама арқылы саудагерлерге, инвесторларға, бөлшек сауда өкілдері мен танымал брендтерге арналған, жаһандық нарық пен негізгі сауда дәліздерін біріктіретін көпқырлы әрі үлгілі экожүйе қалыптастырамыз.

Ал алтынмен безендіріліп салынатын «Gold Street» көшесі Дубайда бой көтеретін, жер бетіндегі алғашқы «Алтын үйдің» негізін қалайды.