Ijtimoiy tarmoqlarda bu yilgi OTMga kirish imtihonlari test sinoviga taalluqli savollar surati tarqaldi. DTM holat yuzasidan ma’lumot berdi.

Ma’lum qilinishicha, kimyo fanidan test topshiriqlari aks etgan test savollari kitobi bugun, 8 avgust kuni Farg‘ona viloyatida o‘tkazilgan test sinovlariga taalluqli bo‘lgan. Testning birinchi kunidayoq abituriyent imtihon joyiga telefon olib kirgan. U test savollari kitobini rasmga olib tarqatgan.

DTM holat yuzasidan bergan ma’lumotga ko‘ra, abituriyent test sinovi vaqtida telefondan foydalanayotgani aniqlanib, dalolatnoma asosida sinovlardan chetlashtirilgan.

O‘zA