Юртимизда миллатлараро дўстлик, ҳамжиҳатлик ва бағрикенгликни мустаҳкамлашга қаратилган кенг кўламли тадбирлар давом этмоқда. Айни кунларда мамлакатимиз бўйлаб ўтказилаётган “Дўстлик” фестивали турли миллат ва элат вакилларини жипслаштириш, ўзаро ҳурмат ва маданий хилма-хилликни кенг тарғиб этишга хизмат қилмоқда.

Миллатлараро муносабатлар ва хориждаги ватандошлар масалалари бўйича қўмитаси ташаббуси билан ташкил этилган ушбу фестивалда турли миллат ва элат вакиллари ўз миллий қўшиқ ва рақслари, ранг-баранг либослари, миллий таомлари ва ҳунармандчилик намуналари билан иштирок этмоқда.

Пойтахтимиздаги Ўзбекистон касаба уюшмалари саройида бўлиб ўтган “Дўстлик” концерти ҳам турли миллат вакилларини бир саҳнада жамлади. Тадбирда ижро этилган ватанни, тинчликни улуғлайдиган куй ва қўшиқлар томошабинларга завқ улашди.

<iframe width="650" height="420" src="https://www.youtube.com/embed/hsEFC-laK_o" title="Do‘stlik festivali – yurtimizdagi birdamlik va hamjihatlikning yorqin namunasi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Нигора Раҳмонова, Анвархўжа Аҳмедов, ЎзА