Bosh prokuratura huzuridagi Iqtisodiy jinoyatlarga qarshi kurashish departamenti Qoraqalpog‘iston Respublikasi To‘rtko‘l tumani bo‘limi xodimlari tomonidan o‘tkazilgan tezkor tadbirda dori vositalarini shifokor retseptisiz sotayotgan dorixona aniqlandi.

Jumladan “Q.D.” mas’uliyati cheklangan jamiyati dorixona provizori O‘.A. fuqaro M.X.ga “Karbamezepin” va “Dimedrol” (in’eksiya uchun) nomli dori vositalarini shifokor retseptisiz sotganligi ma’lum bo‘ldi. Shuningdek, tergovga qadar tekshiruv davomida provizor O‘.A. hisobga olish daftariga soxta ma’lumotlarni kiritish orqali psixotrop va kuchli ta’sir qiluvchi dori vositalarini ortiqcha chiqim qilganligi aniqlandi.

Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.

Dovud Abibullayev, O‘zA muxbiri