“SNS Ratings” агентлиги “Dori-Darmon” акциядорлик компаниясига миллий шкалада (uz) “A+” даражада "БАРҚАРОР" прогнози билан қимматли қоғозлар эмитенти корхонасининг бирламчи рейтингини берди.

“Dori-Darmon” АКнинг асосий мақсади Ўзбекистон Республикаси аҳолиси ва тиббиёт муассасаларини арзон нархларда сифатли фармацевтика маҳсулотлари билан таъминлашдан иборат.

Компания матбуот хизматининг маълум қилишича, “Dori-Darmon” АК фаолиятининг асосий кўрсаткичлари барқарор суръатларда ўсиб келмоқда. Хусусан, 2020 йилнинг 9 ойи якуни бўйича умумий активлари 2019 йил якунларига нисбатан 53,72 фоизга ўсиб, 374,8 миллиард сўмга етди.

2020 йилнинг 9 ойида компаниянинг юқори ликвидли ва жорий активлари юқори ўсишни кўрсатди. Бу эса, ўз навбатида, ушбу давр бўйича корхонанинг муддатли ликвидлик коэффициенти ва мутлақ ликвидлик коэффициентларининг мустаҳкамланишига олиб келди.