“CNN” хабарига кўра, сайловолди кампанияси даврида Дональд Трампга суиқасд қилишга урингани учун Раян Раутга Флорида штати федерал суди ҳукм чиқарди.

Маълумки, Раут 2024 йил 15 сентябрда “West Palm Beach”даги Трамп жойлашган гольф клуби яқинида қўлга олинганди. У ўқотар қурол билан буталар орасида яширинган, аммо махфий хизматчилар уни пайқаб, қочишга уринганида ҳибсга олган. 

2025 йил 23 сентябрда суд Раутни президентликка номзодни ўлдиришга уринганлик, федерал хизматчига ҳужум қилиш ҳамда яна учта банд бўйича айбдор деб топди. 

Адвокат ҳукм чиқарувчилардан Раутга нисбатан қурол ва ўқ-дориларни ноқонуний сақлагани учун енгилроқ жазо — 20 йил қамоқ тайинлашни сўраган, аммо суд илтимосни рад этиб, умрбод қамоқ жазоси тайинлаган.

Ф.Яхшибоева, ЎзА