Бағдарламалық қамтамасыз ету өнімдері және ақпараттық технологиялар технологиялық паркі (IT-Park) мен голландиялық «DOMiNO Ventures» венчурлық қоры арасында өзара түсіністік туралы меморандумға қол қойылды.

Меморандум аясында «DOMiNO Ventures» зерттеу жұмыстарын жүргізіп, Өзбекстанның инновациялық экожүйесіне үлес қосуды жоспарлап отыр.

2024 жылы Қор Өзбекстандағы бес технологиялық стартапқа инвестиция салуды көздеп отыр. Олардың халықаралық нарықтарға шығуына қолдау көрсетіледі, бұл өз кезегінде олардың жаһандық инновациялық аренадағы позициясын нығайтуға мүмкіндік береді. Бұл ретте стартап жобаларды дамыту үшін түрлі бағдарламалар ұйымдастырылады.

«DOMiNO Ventures» компаниясының 50-ден астам жаһандық және жергілікті серіктестері бар және сегіз елде жұмыс істейді. Қордың кеңею стратегиясы негізінде оның командасы әртүрлі іс-шараларға, соның ішінде Әзірбайжан, Грузия, Қазақстан және Өзбекстандағы жобаларға белсенді қатысады. Ең кейінгі екі тоқсанда «DOMiNO Ventures» қоры 1000 стартапты талдап, қарап шықты. Бұл оның келешегі зор кәсіпкерлерді анықтап, оларға қолдау көрсетуге деген ұмтылысының айғағы.