Qarshi davlat texnika universitetida “Karera kuni” mehnat yarmarkasi o‘tkazildi.

Tadbirda universitet rektori Sherzod Ne’matov talaba-yoshlarning bandligini ta’minlashning naqadar muhimligi, “Dolzarb 90 kun” loyihasidan ko‘zlangan maqsad, korxona va tashkilotlar bilan hamkorlik istiqbollari haqida gapirdi.

[gallery-24117]

Hamkor va ish beruvchi tashkilot-muassasalar rahbarlari, mas’ullari ham oliy ta’lim va ishlab chiqarish o‘rtasidagi integratsiyani kuchaytirish omillari haqida o‘z mulohazalarini bildirdi.

Tadbir davomida universitet bosh binosi foyesida yosh olimlar tomonidan ilmiy tadqiqot ishlari, ko‘plab laboratoriya jihozlari namoyish etildi.

Shuningdek, talabalar va bitiruvchilar uchun 20 ga yaqin tashkilot va muassasalar tomonidan bo‘sh ish o‘rinlari yarmarkasi tashkil etildi. Talabalar bilan jonli muloqotlar o‘tkazildi.

O‘lmas Barotov, Jamshid Norqobilov (surat), O‘zA muxbirlari