Ташкент қалалық сотында «Док-1 макс» ісі бойынша соңғы сот отырысында айыптыларға үкім оқылды.

Атаулы қылмыстық іс бойынша фармацевтика саласында қызмет көрсеткен, «Док-1 макс» шәрбаты мен басқа да дәрі-дәрмектерді әкелген және дәрілердің құрамын тексеруге жауапты 23 тұлға сот алдында жауап берді. Осындай шенеуніктердің жауапсыздығынан осы дәрілерді тұтынған 86 бала зардап шекті. Олардың 68-і қаза тауып, 16-сы ауыр, 2-сі жеңіл жарақат алған.

Сот отырысына төрағалық еткен Ташкент қалалық сотының қылмыстық іс бойынша судьясы Муса Юсупов сот шешімін оқыды, «Quramax Medikal» жауапкершілігі шектеулі серіктестігінің басшысы болып жұмыс істеген үндістандық С.Р.П. ұзақ мерзімге 20 жылға бас бостандығынан айыру жазасы тағайындалды. Жазаны жалпы тәртіптегі колонияда өтеу туралы шешім қабылданды.