Ташкент қалалық сотында «Док-1 Макс» ісі бойынша соңғы сот отырысы өтті.

Естеріңізге сала кетейік, фармацевтика саласында қызмет көрсеткен, «Док-1 Макс» шәрбаты мен басқа да дәрі-дәрмектерді республикаға әкелген және дәрілердің құрамын тексеруге жауапты 23 тұлға сот алдында жауап берді. Осындай азаматтардың жауапсыздығынан осы дәрілерді тұтынған 86 бала зардап шекті. Олардың 68-і қаза тауып, 16-сы ауыр, 2-сі жеңіл жарақат алған.

Сот отырысына төрағалық еткен Ташкент қалалық сотының қылмыстық істер жөніндегі алқасының судьясы Муса Юсупов кейбір жәбірленушілерге 1 миллиард сум моральдық шығын өндірілетінін хабарлады.