FOTOREPORTAJ

Bu manzil Doha markazidagi qadimiy shaharcha bo‘lib, unda savdo do‘konlari, restoran va choyxonalar, antikvariat hamda hunarmandchilik majmualari mavjud.

Kiyim-kechaklar, qo‘lbola usulda tayyorlangan sumka yoki esdaliklar, sovg‘alar, milliy shirinliklar, ziravorlarni arzon narxda olsa bo‘ladigan gavjum bir joy. Aynan shu manzilda Qatarning mahalliy aholisi qanday hayot kechirishiga guvoh bo‘lasiz.

[gallery-20713]

Suq Vaqif'ning bir chetida mahalliy aholi xush ko‘radigan yirtqich qushlar do‘koni – Falcon Souq joylashgan. Binoning ko‘rgazma zalida lochin va boshqa qushlar yog‘och o‘rindiqlarda turadi, ularning boshlari odatda oddiy yoki bezakli qalpoqlar bilan yopilgan. Do‘kon sotuvchisining nazorati ostida lochinni qo‘lga olish mumkin - buning uchun 10 riyal to‘lash kerak. Bu yerdagi lochinlar odatda ochiq kimoshdi savdolarida minglab dollarga sotiladi.

Shuningdek, bozor yaqinida tuyalar saqlanadigan joy ham bor.  

Hotam MAMADALIEV(surat),O‘zA