Дүниежүзілік банк түрлі елдердегі кәсіпкерлік ортаны бағалайтын Doing Business рейтингін жариялауды тоқтататынын жариялады.

«Банк басшылығы Doing Business есебін жариялауды тоқтату туралы шешім қабылдады. Болашақта біз бизнес пен инвестициялық ахуалды бағалауға жаңаша көзқараспен қараймыз», - делінген банк хабарламасында.

Банк мәліметінше, бұл шешім 2020 жылдың маусымында алдыңғы рейтингтерді дайындаудағы қателіктер туралы мәліметтердің пайда болуына байланысты қабылданған. Банк қателіктерге байланысты өткен жылдың тамызында кезекті рейтингін жариялауды тоқтатты. «Біз алынған нәтижелерге сүйене отырып әрекет етеміз және қателіктерден ең көп зардап шеккен елдердің мәліметтеріне түзетулер енгіземіз», - деп хабарлады Дүниежүзілік банк.

Банк қорытындысына сәйкес, соңғы бес есепке талдау нәтижесінде Doing Business 2018 және Doing Business 2020 есептері деректердің өзгеруіне байланысты бірқатар заң бұзушылықтарды анықтаған.

Дүниежүзілік банк рейтингінде 190 елдегі бизнес ортаны кәсіп ашудың қарапайымдылығы, салық төлеу, құрылысқа рұқсат алу, электр энергиясына қол жеткізу, халықаралық сауда, несие тарту, банкроттық процесін реттеу және басқа критерийлер бойынша бағалайды.