Moskva AQSH bilan hamkorlik qilishga intiladi, lekin Vashingtonning “o‘z amrini o‘tkazishga urinishiga” toqat qilmaydi.

Rossiya prezidentining matbuot kotibi Dmitriy Peskov “Rossii 1” telekanali efirida shunday fikrni aytdi.  

“Murosaga tayyormiz, lekin qo‘polikka va “haddan oshish”ga tayyor emasmiz”, dedi u.  

Peskovning ta’kidlashicha, Moskva Vashington bilan davomli yaxshi munosabatlar o‘rnatishga intiladi va bunga mos tarzda sa’y-harakatlarni ko‘rib kelmoqda.  

Lekin Amerika tomonining javobisiz hamisha shunday bo‘lavermaydi.  

“Biz amerikaliklarni hamkor deb bilishga tayyormiz. Ular tayyor emas. Lekin bu yerda majburan muloyim bo‘lolmaysan”, dedi Peskov.