Өзбекстан делегациясы Париж-2024 Олимпиада ойындарында алғашқы медальді қоржынға салды.

Дзюдодан өткен жарыстың финалында -52 салмақ дәрежесінде Диёра Келдиёрова Еуропаның екі дүркін чемпионы косоволық Дистрия Красничиді жеңіп, Өзбекстанның қоржынына алғашқы алтын медальді салды.

Диёра Келдиёрова Өзбекстан тарихында Олимпиада ойындарында алтын медаль алған тұңғыш әйел спортшы ретінде тарихқа енді.

Сонымен қатар, ол Өзбекстанның дзюдо тарихында Олимпиада алтынын жеңіп алған алғашқы спортшы атанды.